Eksperti amerikan i politikës për Ballkan: Kosova e Serbia nuk kanë të ardhme nëse nuk i rinisin negociatat

Kosova dhe Serbia nuk kanë të ardhme nëse nuk tregojnë se kanë gatishmëri për të rinisur negociatat.

Ky është konstatimi i bërë nga profesori amerikan, njëherësh edhe njohës i rrethanave politike në Ballkan, Alon Ben Meir

Ai me anë të një postimi në “Facebook” ka thënë se asnjëra palë nuk mund t’i ikë pafundësisht zgjidhjes së konfliktit Kosovë - Serbi.

Siç thotë ai, nëse Kosova dhe Serbia s’kanë vullnet të mirë për zgjidhjen e konfliktit, s’ka të ardhme për këto dy vende. “Nuk ka të ardhme për Kosovën dhe për Serbinë nëse qeveritë e këtyre dy vendeve nuk e bëjnë të qartë se janë të gatshme t’u hyjnë negociatave me një vullnet të mirë për zgjidhjen e konfliktit, nga i cili asnjë palë s’mund të ikë pafundësisht”, ka shkruar ai.