Von Cramon i reagon Konsett: Si mund të jeni i kënaqur për rënien e një qeverie në kohë të pandemisë me coronavirus
Raportuesja në Parlamentit Evropian për Kosovën, Viola von Cramon-Taubadel, ka shkruar rreth situatës politike në Kosovë, duke i reaguar edhe ambasadorit amerikan në Kosovë, Philip Kosnett pas deklaratës se është i kënaqur për mbajtjen e seancës për mocionin.
Eurodeputetja gjermane pyet se si mundet ambasadori Kosnett të jenë i kënaqur me rënien e një qeverie funksionale në kohë pandemie.
Viola von Cramon-Taubadel shprehet se i vjen keq për qytetarët e Kosovës, duke thënë se nuk e meritojnë këtë.
“Një autogol i SHBA-së në Kosovë me një dimension historik… Si mundeni ju, ambasador, të jeni të kënaqur të shihni rënien e një qeverie funksionale gjatë pandemisë me koronavirusin? E pabesueshme. E papërgjegjshme. Ndihem shumë keq për qytetarët e Kosovës. Ata s’e meritojnë këtë”, ka shkruar ajo në Twitter.
An own goal of the US in #Kosovo with a historical dimension. How can you an ambassador be pleased to see a functional government tumbling in the #CoronaPandemic? Unbelievable. Irresponsible. I feel terrible sorry for the citizens of #Kosovo. They don’t deserve this. https://t.co/oLA0XCdpen
— Viola von Cramon (@ViolavonCramon) March 24, 2020
Ndryshe, mbrëmë ambasadori amerikan, Philip Kosnett kishte shkruar në Twitter se është i kënaqur që Kuvendi mban seancën për mocionin e mosbesimit.
“Jam i kënaqur të shoh që Kuvendi do të mbajë nesër seancën për votimin e mocionit. Siç i kam thënë kryeministrit sot, është e rëndësishme që Kuvendi dhe të gjitha institucionet e Kosovës të respektojnë Kushtetutën”, ka shkruar Kosnett në Twitter
Sot, Kuvendi i Kosovës, nga ora 11:00 do të mbajë seancë ku në rend dite do të jetë mocioni i mosbesimit ndaj Qeverisë Kurti.
Pleased to see the Assembly will hold a session on the no-confidence vote tomorrow. As I told the PM today, it is important for the Assembly and all Kosovo institutions to respect the Constitution.
— Ambassador Philip S. Kosnett (@USAmbKosovo) March 24, 2020
