Serbia u kthen pensionet e Jugosllavisë, vetëm kosovarëve jo

Serbia u kthen pensionet e Jugosllavisë, vetëm kosovarëve jo

Aktuale February 28, 2020 - 11:16

Sot fillon kompensimi i ratës së parë të kursimeve devizore ish-kursimtarëve të RSFJ, me të cilën Serbia përmbush detyrimin e pagesës së kursimeve devizore në bazë të aktgjykimit të Gjykatës Europiane për të Drejtat e Njeriut në Stasburg, njofton “Danas” i Beogradit.

Pagesa bëhet në bazë të detyrimeve për kursimet e papagura devizore të qytetarëve në bankat që kanë selinë në territorin e Serbisë dhe filialeve të tyre në territorin e ish-republikave të Republikës Socialiste Federative të Jugosllavisë.

Si do të bëhet pagesa?

Pagesa do të bëhet në tetë rata të barabarta nga sot e deri më 31 gusht të vitit 2023. Kursimtarët sivjet do të marrin edhe një ratë.

Shuma prej 87,1 milion eurosh përfshin më shumë se 6.400 kursimtarë që kanë fituar të drejtën për kompensim të kursimeve.

Mijëra kursimtarë devizorë nga Kosova në këto banka, që do të duhej të trajtoheshin në bazë të aktgjykimit të Strasburgut, vazhdojnë të jenë viktimë e shpërfilljes nga Serbia dhe e mosinteresimit të institucioneve përkatëse të Kosovës.