Koronavirusi në Evropë: Ku ka sulmuar dhe cilat vende s’janë prekur

Mes rasteve të identifikuara, viktimave dhe masave kryesore të marra, ja se cili është bilanci i përhapjes së koronavirusit në Evropë.

ITALI

Me 374 raste infektimi dhe 12 të vdekur, Italia është vendi më i prekur në Europë dhe platforma e shpërndarjes së COVID-19 në kontinent, për shkak të turistëve që kanë vizituar veriun e vendit.

SPANJË

Që nga fillimi i epidemisë, janë regjistruar 12 raste, nga të cilat dhjetë kanë lidhje me Italinë.

FRANCË

Janë identifikuar 18 raste dhe dy persona kanë vdekur.

Rasti i 18-të u regjistrua sot në mbrëmje dhe ishte bashkëshortja e një pacienti të shtruar në spital, në Annecy.

GJERMANI

Deri tani, 18 raste. Dy të fundit u identifikuan dje, midis të cilëve një 25-vjeçar me shumë mundësi i infektuar në Milano.

BRITANI E MADHE

Trembëdhjetë raste të identifikuara që nga fillimi i epidemisë.

GREQI

Rasti i parë u identifikua sot dhe është një grua 38-vjeçare, që kishte udhëtuar kohët e fundit në Italinë e Veriut.

KROACI

Tre raste: një i ri, që kishte qenë në Itali dhe vëllai i tij, ndërsa rasti i tretë, një burrë që punonte në Parma, Itali.

AUSTRI

Dy raste: një çift të rinjsh italianë.

BULLGARI

Deri më tani, nuk janë identifikuar raste infektimi me koronavirus.

BELGJIKË

Një rast, një burrë i ardhur nga Wuhan në fillim të shkurtit.

DANIMARKË

Asnjë rast.

NORVEGJI

Një rast, një person i kthyer nga Kina, javën e kaluar.

FINLANDË

Dy raste, një turiste kineze në Laponi, e identifikuar në fund të janarit dhe një finlandeze e identifikuar sot dhe që kishte vizituar Italinë e Veriut.

SUEDI

Dy raste. Rasti i parë u identifikua në fund të janarit, një grua që kishte qenë në rajonin e Wuhan-it.

VENDET BALTIKE

Deri tani asnjë rast, por autoritetet kanë marrë masa.

Lituania ka deklaruar gjendjen e “situatës ekstreme”, që e lejon atë të veprojë dhe të lëshojë fonde më shpejt në rast të një epidemie.

Letonia ka rezervuar rreth 100 shtretër spitalorë dhe u ka kërkuar shtetasve të saj, të cilët janë kthyer nga vendet e prekura, që të marrin 14 ditë “leje karantine” të paguar nga Sigurimet Shoqërore.

POLONI

Asnjë rast i konfirmuar.

REPUBLIKA ÇEKE

Asnjë rast. Dhjetëra çekë të kthyer nga Italia janë vënë në karantinë.

SLLOVAKI

Asnjë rast.

GJEORGJI

Rasti i parë u njoftua sot.

MAQEDONI E VERIUT

Një rast, një grua që u kthye pas pushimeve në Itali.

KOSOVË

Asnjë rast.

SHQIPËRI

Asnjë rast.

SERBI

Asnjë rast.