Instituti Hidrometeorologjik tregon se si do të jetë moti në Kosovë të dielën

Instituti Hidrometeorologjik tregon se si do të jetë moti në Kosovë të dielën

Aktuale January 18, 2020 - 20:41

Situata meteorologjike në Kosovë nuk pritet të ketë ndryshime të mëdha në krahasim me ditët e fundit.

Instituti Hidrometeorologjik i Kosovës bën të ditur se për shkak të fushave anticiklonike, të cilat janë bllokuar mbi territorin tonë, mungon aktiviteti i elementeve meteorologjike, konkretisht lëvizjes së masave ajrore në drejtim horizontal.

Në këtë situatë, parashihet mot i qetë, me ngrica të dobëta, kryesisht në orët e para të ditës dhe gjatë natës, thekson IHMK’ja.

Sipas institutit, mjegull do të ketë, por jo si ditët e fundit, dhe në pjesë më të kufizuara.

“Temperaturat minimale parashihen të lëvizin ndërmjet -2 deri -1 gradë Celsius, ndërsa maksimalet e ditës parashihen të lëvizin ndërmjet 2-3 gradë Celsius”, njofton IHMK’ja.

Instituti bën të ditur se do të fryjë erë e dobët nga drejtimi i verilindjes.