Daka: Jemi lodhë nga përsëritja e rinumërimit, subjektet politike duhet t’i respektojnë rregullat e QNR-së

Daka: Jemi lodhë nga përsëritja e rinumërimit, subjektet politike duhet t’i respektojnë rregullat e QNR-së

Aktuale nëntor 15, 2019 - 20:54
Detajet

Shefja e KQZ-së, Valdete Daka thotës se subjektet politike duhet t’i respektojnë rregullat e QNR-së.

Kryetarja e Komisionit Qendror të Zgjedhjeve, Valdete Daka ka ftuar përfaqësuesit e subjekteve politike dhe vëzhguesit e tyre të tregojnë kujdesin maksimal për integritetin e procesit që po zhvillohet në Qendrën e Numërimit dhe Rezultateve, duke iu përmbajtur rregullave dhe procedurave të kësaj qendre, të ruajnë qetësinë e t’i shërbejnë procesit demokratik.

“Subjektet politike duhet t’i respektojnë rregullat e QNR-së. Jemi lodhë nga përsëritja e rinumërimit. Si duket në dhjetor do të certifikohen rezultatet”, ka thënë Daka në një intervistë për Rtv 21.

Daka  ka bërë të ditur se çdo cenim i procedurave dhe rregullave të Qendrës së Numërimit dhe Rezultateve është në kundërshtim me deklaratën e vëzhguesit të nënshkruar prej tyre si dhe në kundërshtim me ligjin. Kryetarja e KQZ-së ka thënë se është e nevojshme që sa më shpejtë të bëhet reforma zgjedhore.