Drenasi ndan 160 bursa për studentët

Drenasi ndan 160 bursa për studentët

Aktuale nëntor 08, 2019 - 16:31
Detajet

Komuna e Drenasit ka ndarë 160 bursa për studentët.

“Këto bursa që kanë për synim ngritjen e cilësisë së arsimit, janë ndarë për studentët që studiojnë në universitetet publike për vitin akademik 2019-2020. Numri i bursave nga buxheti komunal është 160, ndërsa, lartësia e bursës komunale për një student është 500 euro “- njofton Komuna e Drenasit përcjellë Klan Kosova.

Sipas listës së publikuar të studentëve kjo komunë do të bëjë përpjekje që përmes donatorëve të sigurojë edhe 40 bursa të tjera.

Me këtë rast kryetari Ramiz Lladrovci, ka përgëzuar studentët e përzgjedhur, duke uruar suksese në të ardhmen dhe përfundim të suksesshëm të studimeve me rezultate sa më të mira.

Komisioni në përbërje të anëtarëve profesional, ka shqyrtuar të gjitha aplikacionet me kujdes, dhe përfitues janë shpallur vetëm ata të cilët kanë marrë pikë më së shumti, duke u bazuar në kriteret e konkursit- shkruan në njoftimin e Komunës së Drenasit.

Lista e plotë e studentëve që kanë përfituar bursën komunale:

https://kk.rks-gov.net/gllogoc/wp-content/uploads/sites/10/2019/11/20191108143021111.pdf