Presidenti i Maqedonisë së Veriut: Ndryshimi i kufijve në Ballkan, ide e rrezikshme

Presidenti i Maqedonisë së Veriut: Ndryshimi i kufijve në Ballkan, ide e rrezikshme

Aktuale September 16, 2019 - 18:46
Detajet

Presidenti i Maqedonisë së Veriut, Stevo Pendarvoski ka përsëritur edhe njëherë qëndrimin e tij kundër ndryshimit të kufijve në Ballkan, duke e konsideruar këtë një ide të rrezikshme.

“Në kontekstin e sigurisë në rajon, është qëndrimi i shtetit që  ndryshimi i kufijve në Ballkan është një ide e rrezikshme,” tha Pendarovski në një takim me anëtarët e Komitetit të Mbrojtjes dhe Sigurisë së Parlamentit të Maqedonisë Veriore.

Sipas kabinetit presidencial, në takim u diskutua për mbrojtjen dhe sigurinë në veri të Maqedonisë, si dhe situatën në rajon.

Pendarovski i njoftoi anëtarët e Komisionit se deri më tani, 22 shtete anëtare të NATO-s kanë ratifikuar Protokollin e pranimit në NATO për anëtarësimin në NATO, ndërsa shtatë të tjerët nuk kanë pengesa politike për të përfunduar procesin.