Haradinaj: Veseli tha se po flas me Amerikën si me Serbinë, kurrë nuk bëhem më me PDK-në

Haradinaj: Veseli tha se po flas me Amerikën si me Serbinë, kurrë nuk bëhem më me PDK-në

Aktuale gusht 19, 2019 - 22:36
Lexo Detajet

Kryeministri në detyrë, Ramush Haradinaj e ka përshkruar si përvojë të keqe bashkëpunimin me PDK’në në qeverisje.

Haradinaj thotë se nuk e ka njoftuar kreun e PDK-së, Kadri Veselin, për dorëheqje pasi ai nuk i ka lënë hapësirë për të diskutuar për tema të ndjeshme.

“Çka të paralajmërojë një njeri që në Ëashington ka thënë se Haradinaj po flet me Amerikën si me Serbinë. Nuk më la hapësirë që të flasë për tema të tilla”, ka thënë kryeministri në detyrë në T7.

Haradinaj thotë se PDK e ka penguar për temat më të rëndësishme kombëtare dhe se më asnjëherë nuk do të bashkëpunojë me partinë e Veselit.

“Me PDK-në kurrë më”, ka thënë kreu i AAK-së, i cili ka dhënë dorëheqje një muaj më parë pasi ka marrë ftesë për intervistim pranë Dhomave të Specializuara në Hagë.