Thaçi: Vendimi i GJND-së, fitorja më e madhe e Kosovës

Thaçi: Vendimi i GJND-së, fitorja më e madhe e Kosovës

Aktuale korrik 22, 2019 - 10:54
Lexo Detajet

Presidenti i Kosovës, Hashim Thaçi ka shkruar se vendimi i Gjykatës Ndërkombëtare të Drejtësisë e konfirmoi të drejtën për shpalljen e pavarësisë së Kosovës.

Përmes një shkrimi në Facebook, Thaçi ka thënë se kjo ishte fitorja më e madhe e Kosovës që hapi rrugën drejt forcimit të subjektivitetit ndërkombëtar e vulosi përjetësisht të drejtën tonë për vetëvendosje.

 Ky vendim sipas presidentit ka trasuar rrugën për anëtarësimin e Kosovës në NATO, BE dhe OKB.

Më 22 korrik të vitit 2010 GJND shpalli verdiktin se pavarësia e Kosovës është legjitime e se nuk bie ndesh me të drejtën ndërkombëtare.