Si e plagosi ushtari i UÇK-së shokun e tij në luftë? Flet ish-ushtari Anton Lekaj

Si e plagosi ushtari i UÇK-së shokun e tij në luftë? Flet ish-ushtari Anton Lekaj

Aktuale qershor 17, 2019 - 22:16
Lexo Detajet

Ushtari i UÇK-së nga zona e Dukagjinit, Anton Lekaj, ka rrëfyer inkuadrimin e tij në Ushtrinë Çlirimtare.

Lekaj në T7 ka treguar një rast kur një ushtar i UÇK-së e ka plagosur ushtarin tjetër aksidentalisht.

Ai thotë se një pjesë e ushtarëve të rinj dhe pa përvojë që hynë në UÇK filluan të ushtrojnë për shkak se nuk kishin asnjë përgatitje ushtarake.

“Ne ishim të rinj dhe filluan të na ushtronin. Njëherë tu e pastru armën, një ushtar e plagosi aksidentalisht ushtarin tjetër. E plagosi në bark, në një vend shumë të keq”, ka rrëfyer Lekaj.

Tutje ai thotë se bashkë me një ushtar tjetër të UÇK-së vendosën ta çojnë të plagosurin në qytet të Gjakovës për ta shëruar dhe atje kanë hyrë me uniforma të UÇK-së.

“Vendosëm ta marrim ushtarin e UÇK-së në Gjakovë. Cipi [ushtari tjetër i UÇK-së tha se do ta gjente mjekun. Shkova edhe unë. Hymë me uniforma në Gjakovë”, ka thënë Lekaj.