Sërish përleshje në LDK, kësaj radhe në Prishtinë (VIDEO)
Aktuale
June 13, 2019 - 21:33
Lexo Detajet
Problemet në kuvendet zgjedhore të Lidhjes Demokratike të Kosovës duket se s’e kanë nijet të ndalen.
Me përplasje janë shoqëruar edhe zgjedhjet në Degën e Tretë, Nëndega Mati 1, në kryeqytetin e Kosovës.
Madje, e nevojshme ka qenë edhe ndërhyrja e Policisë së Kosovës. Siç ka mësuar Express, zbatuesit e ligjit kanë nxjerrë jashtë disa përkrahës të deputetit Arban Abrashi.
Në këtë kuvend, në Prishtinë, sipas burimeve të Gazetës Express, ka qenë i pranishëm edhe ish-ministri i LDK’së, Skender Hyseni.
Bëhet e ditur se kuvendi është mbajtur pa paralajmërim.
