Nitaj: Koalicioni po funksionon, s’ka ftohje të raporteve

Nitaj: Koalicioni po funksionon, s’ka ftohje të raporteve

Aktuale February 20, 2019 - 09:56
Lajmet e fundit nga vendi!

Nënkryetari i Aleancës për Ardhmërinë e Kosovës (AAK), Muharrem Nitaj, ka hedhur poshtë mundësinë që çështja e taksës ta ketë lëkundur partneritetin e koalicionit qeverisës.

Ai ka vlerësuar se koalicioni është duke funksionuar mirë dhe nuk mund të flitet për ftohje të raporteve në mes të drejtuesve të tij.

Në këtë intervistë dhënë për gazetën “Epoka e re”, Nitaj ka thënë se qëndrimet për taksën janë ndryshim në metodologjinë se si do të arrihet deri te caku kryesor që është marrëveshja përfundimtare Kosovë – Serbi.

Ai ka deklaruar se ideja për krijimin e një qeverie gjithëpërfshirëse është hajgare.

Kurse sa iu përket zgjedhjeve, Nitaj ka thënë se në këtë kohë nuk janë të përshtatshme për Republikën e Kosovës.