Ymeri thotë se nuk janë të interesuar për rrëzimin e Haradinajt për shkak të taksës

Ymeri thotë se nuk janë të interesuar për rrëzimin e Haradinajt për shkak të taksës

Aktuale shkurt 19, 2019 - 21:14
Lexo detajet

Nënkryetari dhe deputeti i Partisë Socialdemokrate (PSD), Visar Ymeri ka thënë se PSD është kundër rrëzimit të Qeverisë Haradinaj për shkak të taksës, ndërsa sipas tij qeverinë gjithëpërfshirëse po e do LDK-ja.

Ymeri, në “Debat Plus” RTV Dukagjini, ka thënë se ideja për një qeveri me bazë të gjerë është hedhur qysh moti nga LDK-ja.

“Ideja e një qeverie gjithëpërfshirëse, që do të duhej ta merrte përsipër dialogun me Serbinë dhe më pas ta dërgonte vendin në zgjedhje, është ide e kamotshme e LDK-së. Por deri më tani nuk kemi parë ndonjë shtjellim konkret nga ana e drejtuesve të LDK-së”, tha aid he transmeton Periskopi.

Nënkryetari i PSD-së ka thënë se ideja e ndryshimit të Qeverisë është e lidhur ngushtë me taksën, pasi që ka qëndrime të kundërta nga subjektet politike.

“Ne përmes kryetarit Shpend Ahmeti kemi bërë të ditur se në asnjë mënyrë nuk pranojmë që Ramush Haradinaj të rrëzohet për shkak të taksës”, tha Ymeri./Periskopi