Krasniqi: Shpend Ahmeti e stabilizoi Qeverinë

Aktuale February 16, 2019 - 15:31
Lexo detajet

Ish-kryetari i Kuvendit, Jakup Krasniqi, thotë se tashmë koalicioni i drejtuar nga kryeministri Haradinaj është më i qëndrueshëm, pas përkrahje që ka marrë nga PSD’ja e Shpend Ahmetit.

Kreu i Këshillit Kombëtar të NISMA-s thotë se janë të gatshëm për zgjedhje, pasi sipas tij partia e udhëhequr nga Fatmir Limaj në terren ka një gjendje shumë të mirë.

Në një intervistë për KP, Krasniqi ndër të tjera ka kritikuar partinë e Kadri Veselit, se ka uzurpuar të gjithat sindikatat duke punësuar militantë të PDK’së.

Kryetari i Këshillit Kombëtar të Nismës Socialdemokrate, Jakup Krasniqi potencon se ligji i pagave ka krijuar hendek të madh në mes sektorit publik dhe atij privat, madje kundërshtimet që u bënë ndaj këtij ligji nga sindikatat e punëtorëve të sektorit publik i ka konsideruar si politike.

Krasniqi konsideron se përmes Ligjit të Pagave shumë kategori kanë mbetur në nivel shumë të ulët.Të orkestruara i ka quajtur grevat e sindikalistëve e sidomos ato të arsimit, pasi siç e sheh ai kurdisja është bërë nga PDK-ja.

Ish-kryetari i Kuvendit të Kosovës duke folur për punën e kësaj legjislature ka këshilluar udhëheqësit e seancave e kryesisht kryeparlmentarin, Kadri Veseli që  të respektojë më shumë rregullat e punës së Kuvendit të Kosovës.

 Krasniqi koalicionin qeverisës e sheh shumë më stabil tani, sidomos që kanë edhe përkrahjen e PSD-së.Kryetari i Këshillit Kombëtar të Nismës Socialdemokrate, Jakup Krasniqi po ashtu ka potencuar se ka nevojë që të bëhen reforma te ligji për zgjedhje me qëllim që të krijohen qeveri më stabile.

Krejt në fund Krasniqi shprehur gaditshmërinë e Nismës  Socialdemokrate për zgjedhje dhe se në bazë të gjendjes në terren ata presin të jenë gogja mirë.

Data: 16 Shkurt 2019 15:08