E tepron Ganimete Musliu, ia përmend paralizën Isa Mustafës
Teksa ka dashur ti japë një përgjigje të fortë deputetes Vjosa Osmani e cila i reagoi Kadri Veselit duke thënë se PDK e ka në ADN tradhtinë, deputetja Ganimete Musliu ka kapërcyer kufijtë duke ia përmendur tërthorazi sëmundjen Isa Mustafës.
Nëpërmjet një shkrimi në Facebook, deputetja e PDK’së tha se partia e udhëhequr nga Kadri Veseli nuk duron partnerët e paralizuar siç është LDK’ja.
Kryetari i partisë së Osmanit, Isa Mustafa prej një viti është përballur me ‘Guilain Barre Syndrome’”, një gjendje shëndetësore kjo që shkakton paralizë të krahëve dhe këmbëve.
Shkrimi i plotë i Ganimete Musliut në Facebook:
Kur jemi të ADN-ja e Partive dhe përrallat e LDK-së
E verteta dhemb, por nga këndveshtrimi afatgjatë është opsioni më i mirë për të reflektuar mbi vehtën.
ADN e PDK-së:
-Fitore të vazhdueshme
-Atdhedashuri dhe shtetndërtim
-Shtyrje përpara e agjendës për zhvillim
Çdo partner koalicioni i PDK-së që paralizohet nga frika dhe mendon se i shijon katër vite pushtet pa treguar asnjë rezultat gabon shumë.
Kjo nuk është tradhti, kjo është konsekuencë që e pret secilin.
Racionaliteti pastaj është pergjigja që merr LDK në diten e zgjedhjeve, si rezultat i mendjemadhësisë dhe i prepotencës në raport me secilin qytetar të vendit i cili nuk ju beson përrallave LDK-iste.
„Harmonia“ brenda LDK-së është përralla më e re që kjo parti përpiqet ti servoj opinionit.
Deputetja e LDK’sëVjosa Osmani duke iu përgjigjur kritikave të Kadri Veselit, tha se PDK ka tradhtinë në ADN duke nxitur reagimin e Musliut.