Partia e Shpend Ahmetit kërcënon aktivistin e VV-së: Kam me të gri me të bo sallatë

Aktivisti i Lëvizjes Vetëvendosje, Valdrin Ahmeti, ka thënë që partia e Shpend Ahmetit është duke e kërcënuar e këtë rast e ka lajmëruar edhe në polici.

Sipas tij, ai e ka marrë kërcënimin përmes një mesazhi mbrëmë pas mesnatës dhe në të përmendet edhe emri i kryetarit të PSD-së.

Në fund, aktivisti i VV-së ka shkruar se nuk do të zmbrapset para asnjë kërcënimi.

LEXO EDHE: Kurti: Vetëm Prokuroria s’i ‘njeh’ hajnat e mëdhenj

Postimi i plotë:

Sapo denoncova në polici një kërcënim që morra mbrëmë pas mesnatës nga numri 045 681 912 me këto fjalë:

"Jam nga partia e Shpendit, mos ha m** se kemi me te gri me të bo sallatë me bo me shkrujt edhe njëherë"

Unë nuk e di kush mund të jetë, por kushdoqoftë, le të mirret policia me të. Personalisht mendoj që kjo vjen më shumë nga ata të cilëve po i shërben tash Shpendi sesa nga vetë ai.

Ndërkohë që ta kenë të qartë të gjithë, aktivisti i VV-së nuk zbrapset para asnjë kërcënimi.

"Ata kanë parti që ngecin, ne jemi Lëvizja që ecën.

Ata duan të frikësojnë, ne gjithmonë guxojmë.

Prandaj ata do të humbin, ne do të fitojmë"