Kurti: Qeveria përmbajtësisht zbaton programin e Listës Serbe

Lideri i lëvizjes Vetëvendosje Albin Kurti në një shkrim ekskluziv për gazetën “Zëri”, ka kritikuar qeverinë e Kosovës. Sipas tij qeveria “Haradinaj”, ndonëse formalisht nuk e ka si pjesë Listën Serbe, sipas Kurtit përmbajtësish është duke e zbatuar pikë për pikë programin e saj, shkruan “Zëri.info”.

“E në të njëjtën mënyrë asgjë nuk do të kushtonte për Vuçiqin një qeveri e Kosovës, e cila formalisht nuk e ka si pjesë Listën Serbe, por përmbajtësisht e zbaton pikë për pikë programin e saj”, ka shkruar Kurti.

LEXO EDHE: Për një Vit të Ri pa këta vjedhësit lart, që sollën varfëri të gjerë poshtë

Tutje ai ka thënë që Vuçiqit nuk i kushton asgjë humbja formale nga Kosova. Sipas tij Vuçiq në sytë e botës po e luan viktimën, për taksën 100 për qind.

“Fundja, për Vuçiqin nuk kushton asgjë të pësojë humbje formale për sa kohë që thelbi mbetet i njëjti. Ndërkohë që ai në sytë e gjithë botës luan viktimën, nga taksa 100% janë të përjashtuara edhe shumë produkte të tjera, të konsideruara si prodhim “kompanish të mëdha” e duket që edhe energjia elektrike eskivon taksën? Apo a nuk është premtimi për ushtrinë e Kosovës qesharak për sa kohë që pushtetarët vjedhës nuk lënë hapësirë për buxhet dinjitoz për ushtrinë, ndërkohë që Serbia buxhetit vjetor prej 500 milionë eurosh për ushtrinë e saj ia shtoi edhe 300 milionë për armatim të ri?”, ka shkruar tutje Kurti në shkrimin ekskluziv për “Zërin”. /ZËRI