PDK përmbyllë zgjedhjet në 200 nëndegë

Aktuale December 23, 2018 - 19:34
Lexo Detajet

Në 200 orej 1200 nëndegëve të PDK-së janë mbyllur zgjedhjet e brendshme ku janë zgjedhur strukturat e reja partiake.

Vetëm në dy ditët e vikendit janë mbajtur 50 kuvende zgjedhore nëpër komuna, njofton subjekti politik, transmeton zeri.info.

Njoftimi i plotë

Partia Demokratike e Kosovës po vazhdon mbajtjen e zgjedhjeve të brendshme ku po zgjedhen strukturat e reja partiake për jetësimin e platformës politike të kryetarit Kadri Veseli në Dekadën e Re.

Nga 1200 nëndegë sa ka PDK-ja, deri këtë të diel janë mbajtur zgjedhjet në 200 prej tyre, ndërkaq pjesëmarrja e qytetarëve në gjitha kuvendet shihet të jetë e madhe, ku më shumë se 10 mijë qytetarë kanë marrë pjesë deri tani në procesin zgjedhor.

Gjatë dy ditëve të këtij vikendi janë mbajtur 50 kuvende zgjedhore në komuna të ndryshme, ku pjesëmarrja e qytetarëve të interesuar për tu bërë pjesë e PDK-së në Dekadën e Re është shumë e madhe.

Në nëndegën e lagjes Arbana në Prizren kanë marrë pjesë 256 delegatë të profileve të ndryshme.

Procesi zgjedhor po vazhdon në të njëjtën kohë në të gjitha degët e PDK-së nëpër Kosovë, ndërsa në vazhdimësi PDK-së po i bashkëngjiten profile të ndryshme të intelektualëve, profesorëve dhe shumë profile të reja.