Pas ushtrisë Serbia arrin ti përçaj sërish shqiptarët, deklarata interesante e Rexhep Selimit

Aktuale December 15, 2018 - 09:45
Lexo tjera detaje

Deputeti i Lëvizjes Vetëvendosje Rexhep Selimi ka folur rreth arsyes së mbajtjes së seancës së sotme të Kuvendit, pak minuta para se të mblidhet kryesia. 

Selimi ka thënë se direkt ose indirekt kjo seancë e thirrur për ekipin negociatorë, është direktuar nga Serbia shkruan GazetaBlic.

Ai ka thënë se në çdo përçarje të shqiptarëve, herët a vonë, e gjen Serbinë në mes, direkt ose indirekt, dhe e tillë është edhe seanca e sotme e thirrur për ekipin negociator.

“Në çdo përçarje të shqiptarëve, herët a vonë, e gjen Serbinë në mes, direkt ose indirekt. Kështu është edhe në këtë seancën e sotme për ekip negociator për bisedimet e Thaçit me Serbinë.” ka shkruar Selimi

Sot në orën 10:00 takohet kryesia e Kuvendit të Kosovës, për të shqyrtuar kërkesën e 42 deputetëve për mbajtje të seancës së jashtëzakonshme.

Siç njofton Kuvendi, në rend të ditës do të jetë vetëm një pikë “kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë”.

Pas mbledhje së kryesisë, Kuvendi i Kosovës pritet të mbajë seancë të jashtëzakonshme.