Serbët me parti të re në Kosovë, këta janë emrat e njohur që pritet të jenë pjesë e saj

Aktuale December 13, 2018 - 10:38
Lexo detajet

"Novosti" shkruan se serbët planifikojnë formimin e një partie të re në Kosovë e cila do të përbëhej nga disa prej përfaqësuesve më të mëdhenj të opozitës në Beograd.

Serbët planifikojnë formimin e një partie të re në Kosovë e cila do të kontrollohet nga Londra dhe do të jetë homolog me Listën Serbe e cila është partia me përfaqësimin më të madh të serbëve në Kosovë, shkruan “Novosti”.

Sipas gazetës serbe, qëllimi i formimit të një partie të re është integrimi më i madh i serbëve në Kosovë, transmeton lajmi.net.

LEXO EDHE: 'AP': Plani i Kosovës për krijimin e ushtrisë ringjall tensionet e vjetra në Ballkan

Sipas “Novosti”, në partinë e re do të bëjnë pjesë disa prej përfaqësuesve më të mëdhenj të opozitës: Vuk Jeremiq, Dragan Dilas, Sasha Jankoviq dhe Zoran Lutovac, kurse nga politikanët serbë në Kosovë: Slavisha Petkoviq, Nenad Rashiq, Rada Trajkoviq dhe Aleksandar Jablanoviq.

Gazeta po ashtu shton se mbështetje financiare do të kenë nga fondacioni IMAN.

Selia e tij është në Londër dhe përbëhet nga përfaqësues të lartë britanikë dhe anëtarë të Rottary klubeve. Sipas asaj që qëndron tek uebfaqja e organizatës, synimi është promovimi i dialogut për bashkëpunim më të mirë dhe bashkëjetesë ndërkombëtare përfshirë shkëmbimin e ideve, kulturave dhe religjionit.

Aktiviteti i tyre është i shtrirë anembanë botës e më së tepërmi në Lindjen e Mesme dhe Ballkan.