Diplomati austriak me një deklaratë të papritur për Kosovën

Diplomati austriak Wolfgang Petritsch tha sot se Bashkimi Evropian do të duhet të bisedojë me SHBA për transformimin e forcave të sigurisë të Kosovës në ushtri, në mënyrë që të gjejë një qëndrim të përbashkët mbi çështjen.

Petritsch u tha gazetarëve në Beograd se dialogu Kosovë-Serbi duhet të jetë prioritet në çdo rast dhe se siguria në Kosovë tashmë është e garantuar nga forcat e NATO-s dhe KFOR-i.

LEXO EDHE: Ambasadorët ndërkombëtarë kërkojnë ndëshkimin e zyrtarëve të korruptuar

Ai përkujtoi se NATO, për shembull, kundërshton mënyrën e formimit të ushtrisë siç është paralajmëruar nga Prishtina, por se kjo mbështetet nga SHBA.

“Tani BE do të duhet të flasë me SHBA, të gjejë një gjuhë të përbashkët me NATO-n, dhe pastaj të bisedojë me Prishtinën”, tha Petritsch.

Kjo, siç thotë ai, është vendimtare për dialogun midis Beogradit dhe Prishtinës, dhe sigurisht kjo çështje nuk ndihmon në këtë moment.