Hoti: Masat kundër ndotjes së ajrit e kanë dhënë efektin zero
Ditëve të fundit në Prishtinë niveli i ndotjes së ajrit është shqetësues dhe këtë po e vërtetojnë edhe instrumentat e ndryshëm matës të vendosur.
Dhe këtë gjendje të krijuar në kryeqytet e ka komentuar edhe shefi i grupit parlamentar të LDK-së, Avdullah Hoti.
Hoti përmes një statusi në Facebook ka shkruar se masat që ishte dashur t’i ndërmirrnin institucionet përgjegjëse e që u miratuan në Kuvend, e kanë dhënë efektin zero, trasnmeton zeri.info.
Madje ai ka thënë se nga koalicioni PAN janë angazhuar për rritjen e vitit të vjetërsisë së veturave që importohen./ZERI
Postimi i plotë:
Cilesia e ajrit keto dite ne Prishtine eshte e patolerueshme, ne vecanti sonte. Nje seance e jashtezakononshme e Kuvendit te Kosoves sezonin e kaluar ka nxjerre rezolute me nje liste te masave qe duhet ndermarre secili institucion pergjegjes. Por, efekti eshte zero. Lendet djegese njesoj po perdoren ne qytet, sikurse edhe qarkullimi i makinave pa asnje pengese. Per me teper, deputete nga koalicioni PAN jane angazhuar per ndryshimin e ligjit per rritjen e vitit te vjetersise se veturave qe importohen.
