Në festën e Flamurit, në Gjilan përurohet 'Parku AR Katana'

Në kompleksin banesor “AR Katana” është inauguruar sot parku që e mban po këtë emër, si simbolikë e mbjelljes së drunjve që simbolizon Brigadën 138 dhe të rënët.

“Ky është një shembull i mirë që Komuna duhet të punoj infrastrukturën rrugore dhe hapësirat e përbashkëta duhet investitorët ta koordinojnë më mënyrë që të behtë ambienti sa më I mirë. Parku “AR Katana” e ka një simbolikë sepse këtu secili dëshmori i Koshares e ka një emër të lidhur me një fidan i cili rritet, sikur që rritet heroizmi i tyre çdo ditë”, ka deklaruar Haziri pas ceremonisë së inaugurimit, njofton kumtesa, përcjell lajmi.net

“E falënderoj pronarin, Muhamet Ajrullahu, për këtë investim që e ka bërë në këtë park dhe apeloj që ta pastrojmë Komunën tonë dhe ta gjelbërojmë. Të varrezat e dëshmorëve e kemi përcjellë shembullin e njëjtë duke mbjell drunj për secilin dëshmorë, hero e martirë. E në qytet do të punojmë më shumë në gjelbërim dhe në të ardhmen do t’I ndërtojmë tri parqe të reja”, theksoi Haziri

Siç thuhet në njoftim, pronari Muhamet Ajrullahu ka deklaruar se “Parkun AR Katana” e kanë lidhur me betejen heroike të Koshares, ku ka pësuar më së shumti armiku dhe janë të mbjella 138 mazidolla që e simbolizon Brigadën 138 dhe 114 fidanë që simbolizon të rënët.