Kosova anëtarësohet në Asamblenë e Përgjithshme të Komitetit të Përhershëm të Mjekëve Evropian

Oda e Mjekëve të Kosovës ka dërguar njoftimin se Kosova ka hyrë në Asamblenë e Përgjithshme të Komitetit të Perhershëm te Mjekëve Evropian.

Asamblea e Përgjithshme e Komitetit të Perhershëm te Mjekëve Evropian ka miratuar anëtarësimin e Republikës së Kosovës, e përfaqësuar nga Oda e Mjekëve të Kosovës. 

Njoftimi i plotë: 

Kemi nderin që ta kumtojmë një lajm të mirë për komunitetin e mjekëve në veçanti dhe për të gjithë qytetarët e Kosovës. Sot, me datë 10 nëntor 2018, Asamblea e Përgjithshme e Komitetit të Perhershëm te Mjekëve Evropian ka miratuar anëtarësimin e Republikës së Kosovës, e përfaqësuar nga Oda e Mjekëve të Kosovës, si anëtare vëzhguese, me status të barabartë me të gjitha shtetet që nuk janë anëtare të BE-së.

Përkundër vështërsive, sfidave dhe pengesave në këtë proces, puna, mundi dhe angazhimi i OMK-së ka sjellë rezultat konkret në forcim të përfaqësimit ndërkombëtar dhe marrëdhënieve me organizatat simotra.

Shfrytëzojmë rastin që t’i faleminderojmë të gjitha delegacionet e shteteve që kanë përkrahur anëtarësimin tonë në këtë organizatë ndërkombëtare. Po ashtu faleminderojmë institucionet shtetërore të Republikësë Kosovës, që kanë dhënë përkrahjen për pjesëmarrje në këtë proces.