Ministri i Arsimit jep detaje për rastin e zyrtares që akuzohet për vjedhje në Bruksel

Aktuale July 03, 2018 - 19:46
Lexo detajet

Ministri i Arsimit, Shkencës dhe Teknologjisë, Shyqiri Bytyqi, ka folur për herë të parë pas skandalit që ndodhi në Bruksel, kur një zyrtare e lartë e dikasterit që ai udhëheq u kap duke vjedhur.

Ai ka thënë në “Frontal Live”, në televizionin T7, se është tronditur kur ka marrë vesh se një anëtare e delegacionit të tij në kryeqendrën e Bashkimit Evropian ishte ndaluar nga Policia e atjeshme, pasi ishte kapur duke vjedhur në një dyqan.

Ministri Bytyqi ka thënë se zyrtarja e ka mohuar vjedhjen, mirëpo raporti që ka ardhur nga Brukseli tregon se e njëjta e ka kryer këtë vepër për të cilën akuzohet.

Ai ka thënë se rasti tash është në dorën e një komisioni brenda Ministrisë, teksa ndëshkimi më i lartë për të mund të jetë largimi i saj nga vendi i punës. /Express