Apostolova: Krimi i organizuar dhe korrupsioni mbeten shqetësuese
Shefja e Zyrës së Bashkimit Evropian në Kosovë, Nataliya Apostolova tha se Raporti për Kosovën prezanton përparimin e Kosovës për dallim nga viti i kaluar dhe sa është afruar Kosova me BE, sa është zbatuar Marrëveshja për Stabilizim Asocim,r raporton “Zëri.info”.
Sipas Apostolova, Kosova ka ngecje në kryerjen e reformave, e që pengesë ka qenë procesi zgjedhor dhe vonesa në formimin e institucioneve të reja.
Ndërsa sukses sipas saj mund të llogaritet ratifikimi i demarkacionit me Malin e Zi.
LEXO EDHE: Mogerni flet për një marrëveshje mes Kosovës dhe Serbisë
Apostolova ka thënë se Kosova ka forcuar kornizën ligjore.
"Raporti për Kosovën e vlerëson angazhimin e Kosovës për luftimin e krimit të organizuar dhe korrupsionit... Derisa ka pasur përparim ne forcimin e legjislacionit, krimi i organizuar dhe korrupsioni mbetet ende shqetësues", deklaroi Apostolova.
Ajo më tej ka thënë se shqetësuese për BE-në ka qenë deportimi i shtetasve turq si dhe përpjekja për zhbërjen e Gjykatës Speciale.
Sa i përket ekonomisë, Apostolova ka thënë se Kosova ka bërë punë ë madhe dhe se është krijuar ambient më i mirë për biznes.
Apostolova po ashtu tha se sfidë për aspektin financiar mbetët çështja e pagesës së veteranëve të luftës së UCK-së. Apostolova tha se në Raportin për Kosovën specifikohet se nuk është bërë aspak përparim ne çështjen e Arsimit, mjedisit dhe ndryshimeve klimatike. /Zëri/
