William Walker nga Reçaku: Njerëzit këtu nuk e dhanë jetën ta shohin Kosovën e sotme

Ish-ambasadori i OSBE-së në Kosovë gjatë kohës së luftës, William Walker, ka qëndruar në fshatin Reçak të Shtimes, për të përkujtuar masakrën që ndodhi sot 19 vjet.

Ai ka thënë se, sa herë shkon aty, ndjehet sikur më 1999, kur kishte shkuar për së afërmi për të parë gjenocidin që ishte bërë ndaj shqiptarëve nga forcat serbe.

“Sa herë që vijë këtu, ndjehem gjithmonë njëjtë. Gjithmonë është ftohtë dhe gjithmonë kujtoj me aq dhembje të masakruarit këtu”, ka thënë Walker, njofton Klan Kosova.

“Është dëshpëruese, pasi këta njerëz nuk e kanë dhënë jetën e tyre për të parë Kosovën aty ku është tash”, ka deklaruar Walker.