Kosova madhështore, kualifikohet në gjysmëfinale të Ligës së Kombeve
Kosova është kualifikuar në gjysmëfinale të Ligës së Kombeve pas fitores së thellë 4:0 ndaj Azerbajxhanit në “Fadil Vokrri”, shkruan zeri.info
Falë kësaj fitore, verdhekaltrit siguruan pozitën e parë në grup, duke u kualifikuar kështu në gjysmëfinale të Ligës D, ku do të përballen ndaj Maqedonisë.
Arbër Zeneli ishte heroi i “Dardanëve”, duke realizuar “Hat-Trick” në këtë takim. Zeneli e hapi serinë e golave qysh në minutën e 2-të, ndërsa dy golat e tjerë i realizoi në minutat 50’ dhe 76’.
Ndërkohë, me një gol kontribuoi edhe mbrojtësi Amir Rrahmani, i cili shënoi me kokë në minutën e 76-të./Zëri
- Rezultati është 4:0
- Mbyllet sfida
- Arbër Zeneli kompleton "Hat-Trick"-un e tij në minutët e 76-të
- Amir Rrahmani shënon me kokë në minutën e 61-të
- Arbër Zeneli realizon përsëri për Kosovën, kësaj radhe në minutën e 50-të.
- Fillon pjesa e dytë
- Mbyllet pjesa e parë
- Benjamin Kololli humb një rast të mirë ballë për ballë me portierin
- Azerbajxhani rrezikon portën e Kosovës, por pret portieri Arijanet Muriqi.
- Ndeshja kryesisht po zhvillohet në mesfushë
- Arbër Zeneli shënon gol për Kosovën qysh në minutën e 2-të.
- Fillon ndeshja
- Intonohen himnet e të dyja përfaqësueseve
- Kosova do të luajë ndaj Azerbajxhanit ndeshjen e saj të fundit në grupin 3 të Ligës D të Ligës së Kombeve. “Dardanëve”, që kryesojnë grupin, do t’iu mjaftonte vetëm një barazim për të kaluar në fazën tjetër.