Anglia mposht Kroacinë dhe kualifikohet tutje në Ligën e Kombeve
Sport
November 18, 2018 - 16:50
Anglia është rikthyer nga disavantazhi prej një goli për të fituar në fund 2:1 ndaj Kroacisë dhe për të siguruar kualifikimin nga faza e grupeve në Ligën e Kombeve, shkruan zeri.info
Pas një pjese të parë pa gola, ishte Andrej Kramaric që ia dhuroi epërsinë kroatëve në minutën e 57-të.
Pas golit të pësuar, Anglia e mori kontrollin e lojës në tërësi dhe arriti që ta barazonte rezultatin përmes Jesse Lingardit në minutën e 78-të.
Ndërkohë, për përmbysjen e vendasve në “Wembley” realizoi kapiteni Harry Kane në minutën e 85-të.
Me këtë fitore, Anglia e mbyll grupin 4 të Ligës A në vendin e parë me 7 pikë dhe kualifikohet tutje në fazën tjetër./Zëri