Pas supergolit ndaj Maltës ky është paralajmërimi i Rashicës për Azerbajxhanin
Anëtari i Werder Bremen, Milot Rashica është shprehur tejet i kënaqur pas fitores ndaj Maltës.
Ai ka thënë se skuadra ka qenë më e bashkuar se kurrë dhe ka vlerësuar lartë angazhimin e madh të lojtarëve.
“Jam shumë i kënaqur me golat dhe asistimet e mia, megjithatë jam më i lumtur me fitoren. Luajtëm dhe vrapuam shumë si ekipë dhe kjo është e rëndësishme” ka thënë Rashica për “Supersport”, përcjell lajmi.net.
“U futëm për të luajtur pa gabimet që kemi bërë më herët. U munduam të shfrytëzonim rastet edhe pse në pjesën e parë gabuam në disa raste para golit. Pjesa e dytë ishte ndryshe dhe përmirësuam qasjen para golit” ka vazhduar lojtari nga Vushtrria.
LEXO EDHE: Kosova shënon fitore me ‘mjaltë’ në Maltë
Sa i përket ndeshjes ndaj Azerbajxhanit, ai ka thënë se ajo ndeshje ka rëndësinë më të madhe.
“Ndeshja ndaj Azerbajxhanit është si një finale. Ajo do të jetë e rëndësishme për ne dhe të gjithë shtetin. Kemi përparësi që kemi tifozët të pranishëm. Ne do të japim maksimumin dhe të arrijmë sukses. Kualifikimi do të ishte dhuratë e madhe për shtetin tonë” ka përfunduar anësori kosovar.