Bayerni merr pikët e plota në Greqi, mposht AEK-un
Sport
October 23, 2018 - 20:59
Lexo detajet!
Bayern Munich është rikthyer te fitorja në Ligën e Kampionëve, duke e mundur në udhëtim AEK-un e Athinës me rezultat 0-2.
‘Bavarezët’ pas atij barazimi befasues kundër Ajax, kanë rigjetur fitoren duke e mundur AEK-un në udhëtim, në ndeshjen e vlefshme për grupin E në Ligën e Kampionëve.
Pjesa e parë kaloi nën kontrollin e Bayernit, por që nuk arriti të gjente golin.
Në pjesën e dytë, skuadra e Niko Kovaç realizoi dy herë, për fitoren e dytë në garën elitare të Evropës për klube.
Ishte Javi Martinez që shënoi në minutën e 61’ për 0-1.
Në minutën e 63’, Bayerni dyfishoi epërsinë përmes sulmuesit Robert Lewandowski.
Me këtë fitore Bayerni renditet në vendin e parë në grupin E, me shtatë pikë të grumbulluara./Lajmi.net/
