Kështu u mbyllën katër ndeshjet e Superligës së basketbollit
Z Mobile Prishtina nuk ka të ndalur, shkruan Zeri.info.
Basketbollistët Bardhekaltër këtë fundjavë e kanë regjistruar fitoren e pestë radhazi pasi e mposhtën Golden Eagle Yllin në udhëtim me rezultat 82:64 (19:16, 27:12, 25:16 e 11:20), në ndeshjen kryesore të xhiros së pestë të Superligës së basketbollit.
Demario Mayfield (24 pikë) e Khalid Boukichou (23) ishin më të mirët tek prishtinasit, kurse tek ekipi vendës shkëlqeu Robert Jones me 22 pikë.
Ndërkohë, edhe Rahoveci e vazhdoi ecurinë fantastike duke e mundur Ponte Prizrenin me rezultat të ngushtë, 101:99 (19:21, 29:22, 24:32 e 29:24).
Arian Qallaku shënoi 25 pikë e Frederick Richardson 23 në fitoren e “Vreshtarëve”, kurse 43 pikët e Elliot Cole ishin të pamjaftueshme për debutuesin e Superligës.
Bashkimi ndërkohë e mundi Lipjanin me rezultat 82:77 (19:24, 17:21, 27:19 e 19:13).
Jordan Capps shënoi 29 pikë, kurse Michael Martin shtoi 17 pikë për prizrenasit, derisa 20 pikët e Maurice Williams ishin të pamjaftueshme për lipjanasit.
Ndërkaq, duelin e fundit të kësaj jave e fitoi Borea, e cila ishte më e mirë se Trepça, 77:71 (12:14, 20:16, 15:18 e 30:23).
Patrick Wrencher shënoi 20 pikë, kurse Shpend Gashi i shtoi 19 në fitoren e ekipit pejan.
Ndërsa, 21 pikët e Mark Dorris e 17 të tjera të Samir Zekiqit nuk i mjaftuan ekipit mitrovicas, i cili e pësoi humbjen e pestë radhazi. /Zëri/
Superliga – Java e 5-të
Rezultatet
Ylli – Prishtina 64:82
Bashkimi – Lipjani 82:77
Rahoveci – Ponte Prizreni 101:99
Borea – Trepça 77:71
Tabela
1. Prishtina 5 10
2. Rahoveci 5 10
3. Ponte Prizreni 5 8
4. Ylli 5 7
5. Bashkimi 5 7
6. Borea 5 7
7. Lipjani 5 6
8. Trepça 5 5