Reali e do Cutronen
Patrick Cutrone është zbulimi më i madh i Milanit në vitet e fundit, shkruan Zeri.info.
Sulmuesi i ri italian ka shënuar gola të mjaftueshëm sezonin e kaluar me “Rossoneri”, madje më shumë se blerjet e shtrenjta, Andre Silva dhe Nikola Kalinic.
Ndërkaq, ai ia siguroi fitoren Milanit në ndeshjen “triller” me Romën pasi realizoi në minutën e 96-të të premten që shkoi.
Prandaj, Cutrone e ka zgjuar interesimin e klubeve të mëdha evropiane.
Sipas të përditshmes spanjolle “Don Balon”, trajneri i ri i Real Madridit, Julen Lopetegui ka shprehur interesim për sulmuesin e Milanit.
Trajneri spanjoll ka qenë admirues i futbollistit të ri që kur e kishte drejtuar Porton dhe ishte munduar ta sillte atë, por sulmuesi kishte preferuar qëndrimin në Milan në atë kohë. /Zëri/
