Draxler i bën valixhet gati
Julian Draxler mund të largohet nga Paris Saint-Germaini në fund të këtij muaji.
Lajmin e ka bërë të ditur e përditshmja sportive franceze “Le10Sport”, përcjellë "Zeri.info".
Trajneri i ri i klubit francez, Thomas Tuchel, po e konsideron që ta përdorë arritjen e re Thilo Kehrer në mesfushë, që do të thoshte se shanset për të luajtur për Draxlerin do të minimizohen.
Prandaj, përfaqësuesi gjerman po e konsideron largimin nga kryeqyteti francez në ditët e fundit të afatit kalimtar të verës.
Red Bull Leipzigu, Borussia Dortmudi dhe Schalke janë vetëm disa nga klubet që e kërkojnë 24-vjeçarin edhe pse ende nuk ka arritur në drejtim të lojtarit ndonjë ofertë zyrtare.
Draxler nuk ka mundur të lërë gjurmë te PSG-ja dhe largimi i tij duket i pashmangshëm. /Zëri/