Afat shumë i pasur kalimtar në hendboll
Se edicioni i ardhshëm i garave në hendbollin kosovar pritet të jetë interesant dëshmon fakti që shumë klube janë riorganizuar apo kanë premtuar se do të bëjnë një gjë të tillë.
Edhe afati i rregullt kalimtar i hendbollistëve, që përfundoi të dielën në mesnatë, shihet si dëshmi për një edicion interesant që pritet të jetë ai 2018/19.
Janë regjistruar shumë lëvizje të lojtarëve dhe vlerësohet të ketë qenë një afat i pasur kalimtar.
Lëvizje kanë bërë shumë lojtar me emër në hendbollin kosovar dhe kjo pritet të sjellë risi në edicionin e ri.
Janë paraqitur 26 kërkesa për ndryshim skuadre, ndërsa dhjetë lojtarë/e kanë aplikuar për të marrë statusin e lirë.
Kastrioti i Ferizajt ka marrë nga Prishtina dy lojtarë reprezentues, Deniz Terziqin dhe Beni Sulën si dëshmi që ferizajasit në edicionin e ri kanë pretendime serioze. Shumë aktive ishte Drita e Gjilanit që angazhoi lojtarë të konfirmuar.
Drita nga Trepça mori Sali Maxherën e Fidan Cimilin, nga Prishtina mori Melos Shahinin, ndërsa nga Vushtrria i angazhoi Vaglir Buçincën e Labinot Gubetinin. Prej Zhegrës te Drita kaloi Shkodran Shaqiri.
Prej Prishtinës janë larguar tre lojtarë, por kjo skuadër ka marrë pesë të tjerë. Bëhet fjalë për Rifat Visokën e Llapit, Armir Agushi (Zhegra), Besian Abazi (Zhegra), Redon Havolli (Llapi) e Atdhe Basholli (Trepça).
Te hendbollistet bie në sy kalimi i reprezentueses Pranvera Ferataj nga Prishtina te Istogu. Ndërkohë Kaltrina Paci ka kaluar nga Vushtrria te Shqiponja.
Të gjithë lojtarët që kanë aplikuar për kalim në klube të reja duhet që të gjithë dokumentacionin ta kenë konform rregullores për regjistrimin e klubeve dhe lojtarëve, statusin dhe transferimin e tyre.
Lojtarët që kanë status të lirë kanë të drejtë regjistrimi deri më 15 tetor, kurse lojtarët që vijnë nga klubet e shteteve tjera mund të regjistrohen deri në fund të këtij viti. /Zëri/
Kërkesat për kalim nga klubi në klub
Deniz Terziqi nga Prishtina te Kastrioti
Beni Sula nga Prishtina te Kastrioti
Melos Shahini nga Prishtina te Drita
Sali Maxhera nga Trepça te Drita
Fidan Cimili nga Trepça te Drita
Vaglir Buçinca nga Vushtrria te Drita
Labinot Gubetini nga Vushtrria te Drita
Shkodran Shaqiri nga Zhegra te Drita
Rifat Visoka nga Llapi te Prishtina
Armir Agushi nga Zhegra te Prishtina
Besian Abazi nga Zhegra te Prishtina
Redon Havolli nga Llapi te Prishtina
Atdhe Basholli nga Trepça te Prishtina
Lulzim Sadiku nga Samadrexha te Vushtrria
Pranvera Ferataj nga Prishtina te Istogu
Donjeta Çekaj nga Shqiponja te Jusuf Gërvalla
Fillesa Ferizaj nga Shqiponja te Jusuf Gërvalla
Shpresa Haxhosaj nga Shqiponja te Jusuf Gërvalla
Kaltrina Paci nga Vushtrria te Shqiponja
Veronika Maloku nga Llapusha te Shqiponja
Klementina Maloku nga Llapusha te Shqiponja
Vjosa Mehmetaj nga Llapusha te Shqiponja
Diana Feta nga KEK-u te Verona
Denisa Feta nga KEK-u te Verona
Loreta Dedinca nga KEK-u te Verona
Anisa Grajçevci nga KEK-u te Verona
Kërkesat për status të lirë të lojtarit
Mursel Mehmeti (Kastrioti)
Petrit Prekazi (Prishtina)
Liridon Esati (Prishtina)
Fitim Klinaku (Trepça)
Etrit Hoxha (Kastrioti)
Egzon Lluka (Vëllaznimi)
Lulzim Shabani (Kastrioti)
Elion Vokshi (Besa Famgas)
Burneta Rama (Prishtina)
Yllka Kupina (Kastrioti)
