PSG-ja i ofron Bonuccit një pagë vjetore të majme

Paris Saint-Germain është i gatshëm t’i ofrojë Leonardo Bonuccit 10 milionë euro në sezon për ta braktisur Milanin.

Gjatë kësaj jave u raportua se kapiteni i kuq e zinjve është duke menduar ta lërë klubin për PSG-në, vetëm një vit pasi u transferua nga Juventusi për 42 milionë euro, transmeton Gazeta Express.

Mëngjesin e sotëm Gazzetta dello Sport  raportoi se Milani do të pranonte ta shiste kapitenin për 40 milionë euro, derisa agjenti i qendërmbrojtësit besohet se është takuar me drejtuesit e PSG-së për të gjetur marrëveshje.

Tani, Corriere dello Sport raporton se bëhet fjalë për një marrëveshje në vlerë 10 milionë euro në sezon, dhe se Bonucci po pret që klubi parisien të bëjë ofertë zyrtare për të.

Bonucci i fiton 7.5 milionë euro në sezon te Milani.