Bakshishi marramendës që Ronaldo ia la hotelit grek ku qëndroi për pushime

Sport July 19, 2018 - 10:55
Bakshishi marramendës

Cristiano Ronaldo ka lënë një bakshish të madh në hotelin ku qëndroi në Greqi, para se të transferohet te Juventusi.

Pas eliminimit në Botëror, ai ka shkuar në Greqi për pushime. Portugezi i ka lënë 20,000 euro bakshish stafit të hotelit, në të cilin qëndroi me familjen e tij, transmeton Gazeta Express.

Ai ka postuar disa foto në Instagram duke shijuar pushimet me të dashurën e tij, Georgina Rodriguez dhe djalin e tij. 

Ronaldo ka qenë shumë i kënaqur me stafin e hotelit, dhe kështu nuk ka dashur të largohet pa e lënë një bakshish të mirë për ta.

Ronaldo tani është duke u përgatitur për aventurën e tij të re me Juventusin. Ai ka thënë se nuk ndihet i mërzitur për largimin e tij nga Madridi.

“Lojtarët e moshës time po shkojnë në vende të tjera, në Kinë. Për këtë arsye jam i lumtur që Juventusi ma dha këtë mundësi”.

“Do të mundohem të ju tregoj që jam një lojtar i mirë. Do të punoj shumë. Ju i dini statistika e mia. Jam ambicioz”.

Image