ZYRTARE: Visar Musliu dy vitet e ardhshme lojtar i Shkëndijës

Sport June 13, 2018 - 13:00

Visar Musliu zyrtarisht është futbollist i ri i Shkëndijës, shkruan zeri.info.

Mbrojtësi 23 vjeçar firmos kontratë dy vjeçare dhe periudhën në vazhdim do jetë në pronësi të plotë të kuqezinjve.

Reprezentuesi i Maqedonisë gjashtë muajt e kaluar ishte lojtar i FC Prishtinës dhe te Shkëndija luajti në formë të huazimit, duke u bërë pjesë e arritjes historike në fitimin e titullit të kampionit dhe trofeut të Kupës së Maqedonisë.

Në gjysmësezonin pranveror me fanellën kuqezi zhvilloi 15-të paraqitje kampionale në të cilat shënoi dy gola, ndërsa realizoi 3 gola në kuadër të Kupës dy prej të cilëve në finale.

Fillimisht realizoi në fitoren e lartë 4:0 kundër Vardarit në çerekfinale, ndërsa më pas realizoi dy herë në fitoren 3:0 përballë Pelisterit në finalen të Kupës. ë