Sport

FFK-ja tregon se sa bileta Prishtina duhet t’ua ndaj tifozëve të Dritës

FFK-ja tregon se sa bileta Prishtina duhet t’ua ndaj tifozëve të Dritës
16 maj 2018 • 15 : 50

Në finalen e Kupës së Kosovës në vitin 2016 ndërmjet Prishtinës dhe Dritës (2:1) në stadiumin e Prishtinës prezentë ishin mbi 10 mijë shikues, raporton “Zëri”. Natyrisht, dominonin “Plisat” e kryeqytetit që ishin vendas, por nga Gjilani drejt Prishtinës kishin udhëtuar mbi 3 mijë “Intelektualë” të Dritës.

Mirëpo, të dielën në Pejë do të jetë ndryshe. “Zëri” shkruan se nëse stadiumi “Shahin Haxhiislami” ka kapacitet për 2 mijë shikues, atëherë vetëm 100 vende do t’u takojnë tifozëve mysafirë nga Gjilani.

Kështu thotë Adem Çollakaj, zyrtari i lartë dhe i njohur administrativ në FFK.  “Çështja rreth asaj se sa bileta u takojnë mysafirëve nuk është në rregullore, por është në udhëzim. Sipas një udhëzimi të delegatit të ndeshjes që e gjeta këtu (në FFK) del se nikoqiri i ndeshjes duhet t’i ndaj 5 për qind të biletave për klubin mysafir”, ka deklaruar për “Zërin” Adem Çollakaj. /Zëri/

© zëri.info