Salzburgu i Valon Berishës apo Marseille, kjo skuadër shkoi në finale të Europa Leagues!
Atletico Madridi dhe Olympique Marseille do të përballen në finale të Europa Leagues, shkruan zeri.info.
Të dyja skuadrat e prenë biletën për finale pasi i mposhtën kundërshtarët përkatës në gjysmëfinale.
Ekipi spanjoll e eliminoi Arsenalin falë fitores së regjistruar sonte në Madrid me rezultat minimal, 1:0.
Golin e fitores për “Los Colchoneros" e shënoi Diego Costa në minutën e 45-të.
Kurse, loja e parë në Londër kishte përfunduar baras, 1:1.
Ndërkohë, mori fund këtu ëndrra e Salzburgut të Valon Berishës, që luajti 120 minuta, i cili u eliminua nga Marseille.
Fitorja 2:1 në Austri ishte e pamjaftueshme për ekipin e përfaqësuesit kosovar, i cili kishte humbur 2:0 në Francë një javë më parë.
Golat për Salzburgun i shënuan Amadou Haidara (53’) e Bouna Sarr autogol (65’).
Ndërkaq, goli i Rolandos në vazhdime (116’) ishte fatal për Salzburgun.
Haidara i vendësve u ndëshkua me karton të kuq në minutën e 119-të. /Zëri/