Trajneri i Suedisë tregon se a do të jetë Ibrahimovici në Botëror
Trajneri i përfaqësueses suedeze, Janne Anderson thotë se sulmuesi Zlatan Ibrahimovic nuk do të luajë në Kupën e Botës, që mbahet këtë verë në Rusi, transmeton zeri.info
Ibrahimovic së fundmi është transferuar në La Galaxy dhe ka realizuar tre gola në katër ndeshje në ligën amerikane.
“Ibrahimovici i tha jo kombëtares. Ai vendosi që të mos jetë në skuadër pas Kampionatit Evropian dhe unë e respektoj atë”, deklaroi Anderson.
“Nëse ju e refuzoni skuadrën, nuk mendoj që duhet të riktheheni, e respektoj atë që ka thënë dhe ata që thanë ‘po’.
(Ibrahimovic) nuk më ka thirrur, por ai përfundimisht nuk bën pjesë në planet për Kupën e Botës”, shtoi ai.
Ish-sulmuesi i Manchester Unitedit ishte paraqitur 116 herë me fanellën e përfaqësueses suedeze dhe kishte realizuar plot 62 gola./Zëri
