Gjashtë ndeshje në katër ditë, këto janë ndeshjet e ardhshme të Superligës

Superliga e Kosovës në futboll do të rikthehet fundjavën që vjen me ndeshjet e xhiros së 26-të, shkruan sot gazeta Zëri.

Gjatë katër ditëve, e premte, e shtunë, e diel dhe e hënë, do të zhvillohen gjashtë ndeshje, të cilat do të fillojnë në orën 14:00.

Kjo xhiro fillon me ndeshjen ndërmjet Vllaznisë dhe Lirisë, e vetmja ndeshje e së premtes, kurse derbi i kësaj xhiroje do të luhet të shtunën, ku Feronikeli e pret kampionin aktual Trepçën ’89.

Llapi – Gjilani pritet të jetë një tjetër duel mjaft interesant, kurse liderin Dritën e pret një punë e vështirë në Pejë, ku e pret Besa, së cilës i duhen pikët “si buka”.

Kjo xhiro mbyllet me duelin që do të luhet të hënën që vjen me derbin lokal Flamurtari – Prishtina. /Zëri/

Superliga – Java e 26-të

E premte

Vllaznia – Liria

E shtunë

Feronikeli – Trepça ’89

Besa – Drita

E diel

Vëllaznimi – Drenica

Llapi – Gjilani

E hënë

Flamurtari – Prishtina

Ndeshjet fillojnë në orën 14:00