Ozil rinovon me Arsenalin
Sport
February 02, 2018 - 11:27
Arsenali ka konfirmuar se mesfushori Mesut Ozil ka rinovuar kontratën e tij me “topçinjtë”, trasnmeton zeri.info
Reprezentuesi gjerman, i cili kishte kontratë me Arsenalin vetëm deri në qershor të këtij viti, do të qëndrojë në Londër së paku edhe për tre vite të tjera.
Pavarësisht interesimeve të shumta të klubeve evropiane si Paris Saint-Germain apo Manchester United, 29-vjeçari vendosi të qëndrojë në “Emirates”.
“Jemi të lumtur t’iu njoftojmë se Mesut Ozil ka nënshkruar një kontratë të re afatgjate me ne”, thuhet në njoftimin zyrtar të klubit londinez.
Ozil është pjesë e Arsenalit që prej vitit 2013, kur ishte transferuar nga Real Madridi për 47 milionë euro dhe në 182 paraqitje me klubin anglez ka realizuar 36 gola dhe 164 asistime./Zëri
