S’i morën rrogat, i shkëputin kontratat me klubet e Superligës

Dy futbollistë të Superligës e kanë shkëputur kontratën me klubet përkatëse pasi nuk i kanë marrë rrogat, shkruan zeri.info.

Komisioni për regjistrimin, statusin dhe transferin e lojtarëve e ka aprovuar kërkesën e Adenis Shalës për shkëputjen e kontratës me Vëllaznimin pasi klubi gjakovar nuk e ka respektuar kontratën dhe i ka mbetur borxh lojtarit.

Gjithashtu, është aprovuar kërkesa e futbollistit Altin Merlaku për shkëputje të kontratës me Besën. Të dy mund të nënshkruajnë me ekipe të reja. /Zëri/