Gjiganti evropian, në garë për Sanchezin
Alexis Sanchez është emri më i përfolur i afatit kalimtar të janarit, përcjellë zeri.info.
Në fakt, sulmuesi kilian pritet të largohet në ditët në vazhdim nga Arsenali, por karriera e tij duket se do të vazhdojë në Angli.
Dhe, ofertat për ish-futbollistin e Udineses dhe Barcelonës nuk mungojnë assesi.
Manchester City e kërkon sulmuesin e rrezikshëm qe një kohë të gjatë, por duket se “Citizens” janë tërhequr nga gara.
Por, në “lojë” mbetet Manchester United, i cili madje së fundmi është bërë favorit për t’i siguruar shërbimet e Sanchezit.
Megjithatë, “Manchester Evening News” shkruan se në garë për përfaqësuesin kilian së fundmi është futur edhe Chelsea.
Arsenali i kërkon rreth 40 milionë euro për yllin e tyre, të cilit i skadon kontrata aktuale gjatë verës. /Zëri/
