Rugani stërvitet në mënyrë perfekte me të dashurën e tij

Daniele Rugani ka përfituar shumë nga pushimi një-javor i Serisë A, për t’u relaksuar në plazh me të fejuarën e tij, Michela Persico.

Qendërmbrojtësi i Kombëtares italiane dhe i Juventusit është shfaqur mjaft i lumtur në këto pushime dimërore dhe madje ka postuar shpesh foto duke mbajtur mbi krahë, Michelën, gjest që me nota humori është përshkruar si tentativë për të mbajtur formën sportive.

Rugani dhe Michelajanë në lidhje prej thuajse një viti, ndërsa të dy shprehen mjaft të lumtur në krah të njëri-tjetrit dhe kalojnë shumë kohë sëbashkë.

Bukurshja italiane është një vajzë 25-vjeçare nga Bergamo, që fillimet e veta i ka pasur në fushën e modës, por që aktualisht punon si gazetare sportive në Sportmediaset.

Ajo u bë e famshme me pjesëmarrjen si opinioniste sportive në emisionin ‘Queli che il Calcio’, në Rai 2.