Gashi porositë Kryeministrin Zaev: Lehtësira nëpër kufij dhe një ndeshje miqësore në futboll

Zv. Kryeministri Dardan Gashi i ka kërkuar Kryeministrit të Maqedonisë Zoran Zaev gjatë festave të fundvitit të shtoj kapacitetin e punës në pikat kufitare me Kosovën.

“I kërkova Kryeministrit Zaev lehtësime në pikat kufitare me Kosovën dhe pres që ditëve në vijim në takimet bilaterale të dakordohemi për këtë” ka thënë zv. Kryeministri Dardan Gashi.

Zv. Kryeministri Gashi i ka propozuar Kryeministrit të Maqedonisë Zoran Zaev dhe një ndeshje miqësore në futboll në mes dy përfaqësueseve të Republikave.

Nga ana tjetër zv. Kryeministri dhe ministri i Diasporës dhe Investimeve Strategjike Dardan Gashi ka takuar homologun në qeverinë e Maqedonisë, ministrin e Diasporës Edmond Ademi me të cilin do të zhvillojnë dhe një takim të veçantë.