Xhudistët e klubeve ‘Polici’ dhe ‘Studenti’, të suksesshëm edhe në Mal të Zi
Xhudistët e rinj kosovarë vazhdojnë të korrin suksese në arenën ndërkombëtare, shkruan zeri.info.
Të shtunën që shkoi është mbajtur turneu i 12-të ndërkombëtare “12 Dhjetori Kupa e çlirimit të Podgoricës” në Podgoricë të Malit të Zi.
Në këtë turne morën pjesë 5 shtete dhe rreth 320 garues.
Përfaqësues nga Kosova në këtë gare ishin xhudistët e Klubit të Xhudos “Polici” nga Prishtina dhe Klubit të Xhudos “Studenti” nga Vushtrria.
Klubi i Xhudos “Polici” nga Prishtina për herë të dytë me radhë brenda 2 javëve shpallet si klubi më i mirë.
“Para dy javë në turneun “Koga” të mbajtur në Podgoricë kemi fituar vendin e parë si klub në grupmoshën e Kadetëve, ndërsa kësaj radhe në këtë turne kemi fituar vendin e parë për grupmoshën e Pioniereve të Vjetër. Pra viti 2017 ishte vit i sukseseve të mëdha të klubit të judo-se ‘Polici’ të Prishtinës, ku brenda këtij viti kemi fituar 3 kupa në 3 grupmosha të ndryshme, por edhe vit i suksesshëm për klubin vushtrrias ‘Studenti’”, njofton trajneri i klubit “Polici”, Anton Cena. /Zëri/
Rezultatet janë si vijon për KXH “Polici” dhe KXH “Studenti”:
KXH “Polici”
Kreshnik Boroci vendi i tretë
Artemis Bilalli vendi i dytë
Dardan Cena vendi i parë
Art Thaqi vendi i parë
Rezarta Alimi vendi i parë
Rezarta Alimi vendi i dytë
Vendim Raci vendi i parë
Adriatik Bilalli vendi i tretë
KXH “Studenti”
Sara Osmani 2 medalje të arta
Florian Gërguri vendi i parë
Emir Salihu vendi i dytë
Odeta Bajraktari vendi i dytë
Marigona Gërxhaliu vendi i tretë