Higuain, një prej më të mirëve
Sulmuesi i Barcelonës, Lionel Messi thotë se bashkëkombësi i tij, Gonzalo Higuain është njëri prej sulmuesve më të mirë në botë dhe e meriton që të ftohet nga përfaqësuesja e Argjentinës, transmeton zeri.info
Sulmuesi i Juventusit është lënë jashtë listës së trajnerit të Argjentinës, Jorge Sampaoli dhe në vend të tij është ftuar futbollisti i Interit, Mauro Icardi.
“Për mendimin tim, Higuain është njëri prej qendërsulmuesve më të mirë në botë. Ai e ka treguar këtë me Juventusin, por nuk është njësoj si të luash me Argjentinën”, deklaroi Messi.
“Kritikat e lëndojnë atë dhe ne kemi folur për këtë shumë herë. Mendoj se mungesa e tij në përfaqësuese herën e fundit ishte e mirë për të sepse ka qenë i aftë që të përqendrohet në stërvitje dhe në përmirësimin e gjendjes fizike”, shtoi ai./Zëri
